Bahid

As a ramp and commercial model and a swinging teenager in this movie of sex, wealth and power, Assunta de Rossi as Erika is a sexy appealing face on billboards and on the catwalk but, at home, with her sister Loida (Dina Bonnevie), she shares a dark secret with her surrogate father, Mr. Lorenzo Lavares (Eddie Garcia), who is wed to her sister. The house of Lavares features a strange quartet father and son married to the sisters with warped emotions and shocking happenings.

Released Date January 2009 Label Regalfilms Genre Adult Fantasy Format DVD Movie Running Time 135 MINS Cast DIETHER OCAMPO, ASSUNTA DE ROSSI, EDDIE GARCIA, Director Joel Lamangan, In Stock 50 pc(s).

Bahid Movie

Sa Bahid, biktima ng panggagahasa si Loida (Dina Bonnevie), ikalawang asawa ng mayaman at dating heneral sa hukbong sandatahan na si Don Lorenzo Lavares (Eddie Garcia). Nakababatang kapatid ni Loida si Erika (Assunta de Rossi)—isang masungit na spoiled brat na may malaking galit sa mundo. Pinatay ni Lavares ang nanggahasa kay Loida, kinupkop nito ang magkapatid at itinuring na sariling anak si Erika. Nagkagustuhan at nagpakasal si Erika at si Rodney (Diether Ocampo), anak ni Lavares, ngunit dumalas nang dumalas ang pag-aaway nila pagkat ayaw ni Rodney ang kagustuhan ni Erika na bumukod na sila ng bahay. Napilitang magtapat si Erika tungkol sa "pagtatangka" sa kanya ni Lavares (bilang dahilan ng kanyang hiling na magsarili silang mag-asawa) ngunit hindi pa rin maniwala si Rodney, hanggang sa tumakas si Loida at Erika upang lumaya sa pagkakabilanggo sa marangyang tahanan ni Lavares. Naisipan ng magkapatid na gumawa ng bitag para masilo si Lavares kung saan mahuhuli sa akto ni Rodney ang ama at si Erika. Naniwala na si Rodney sa magkapatid, at dito lalong uminit ang mga pangyayari.

Mahusay ang pagkakaganap ng mga pangunahing artista: makatotohanan, kapani-paniwala, may damdamin. Akma rin ang paggamit ng musika, tunog at liwanag— nakadaragdag ito ng kahulugan sa eksena at sa damdaming isinasaad ng kuwento. Maganda rin ang kuwento, maayos ang takbo, at sa kabuuan ay karapat-dapat ang dialogue sa istorya. Ang pananamit at tirahan ng mga tauhan ay bagay din sa kani-kanyang mga papel. Ngunit may ilang mga "gusot" sa editing na hindi marahil makalulusot sa mga mapunahin o matatalas ang mata, tulad ng pagbabago-bago minsan ng lighting, panghihina ng volume ng pagsasalita, ang paglitaw sa eksena ng mga mikropono, at ang magkaminsa'y bigla at di kapani-paniwalang paglaho ng pagkalasing ni Loida—mga bagay na distracting at nakababawas sa pagiging makatotohanan ng pelikula.

Sisid Movie

Piniling ibigin ni Lily (Assunta de Rossi), ang star attraction ng aqua show sa Boracay Club si Nonoy (Raymond Bagatsing), isang playboy na walang kabalak-balak na magpatali sa kangino mang babae, samantalang nandiyan naman si Fidel (Rodel Velayo). Mahal na mahal ni Fidel si Lily sa pag-aakala na siya ang matagal na niyang hinahanap na kasintahang si Rio (Assunta de Rossi). (Nagkahiwalay sila nang mabilanggo si Fidel at nagtangkang magpakamatay si Rio). Kahit nagkaroon ng pagtingin si Lily kay Fidel, ginigiit niya na hindi niya kilala ito. Siya daw ay si Lily at may kasintahan na... hindi makapaniwala si Fidel, siguradong-sigurado siya na si Lily ay si Rio, mula ulo hanggang paa pati sa pagkakaroon ng tattoosa hita. Paanong nangyari ito?

Ang magandang kuha ni Garchitorena sa bughaw na karagatan at ang kahali-halinang musika ni Buencamino ang siyang sasalubong sa manonood sa pagbukas ng pelikula—napakaganda at mapayapa, ngunit napaka-mapaglinlang. Sapagkat sinundan ito ng isang nakakaakit na mukha tuloy sa kaakit-akit na dibdib ng isang babaeng nakikipagtalik. Iyan ay isa lamang sa maraming eksena ng paghuhubo't hubad at pagtatalik ng mga nagsiganap, na binihisan ng isang kuwentong nagpipilit magbigay ng kabuluhan sa pelikula. Napakalabo ng kuwento na kunwa'y komplikado; malabo din ang pag-uugnay ng mga eksena. Maraming katanungang hindi nabigyan ng kasagutan, hanggang magwakas ang sine sa isang walang katuturang palaisipang hindi nakayanang ipaliwanag ng sumulat o ng direktor.

Red Diaries Movie

Tatlong maiikling kuwento ang napapaloob sa Red Diaries, na nagtatampok sa aktres na si Assunta de Rossi. Sa unang kuwento, Susana, si Assunta ay isang kabit na walang inaasam-asam kundi kaginhawahan sa buhay, handang kumabit sa sinumang lalaking kayang magbigay ng karangyaan sa kanya, tulad ni Manolo (Dante Rivero). Sa ikalawa, Cara, siya'y isang kagandahang makamandag, walang pakundangang bibitagin ang pinagnanasaang lalaki, kahit na ang lalaki'y nagsisikap maging isang alagad ng Diyos, ang seminaristang si Lito ( Jam Melendez). Sa ikatlo, Lucila, battered wife naman si Assunta, asawa ng pulis na si Anton (Carlos Morales). Sa tindi ng habag sa sarili, natutong makiapid si Lucila, na siya naming naging dahilan upang lalong magmalupit ang pulis.

Mukhang sinikap gawing art film ang Red Diaries, naturingang ganito dahil ang mga kuwentong nabanggit ay pawang nakatala sa iba't ibang tala-arawan (diaries) na kulay pula. Ngunit bilang art filmwalang naidudulot itong halaga na makapag-aangat ng kamalayan ng nanonood. Bagama't masasabing makatotohanan ang pagganap ng mga pangunahing tauhan, lalo na sa Lucila, ang karamihang tauhan sa tatlong kuwento ay hindi kapani-paniwala pagkat mistulang mga karikatura lamang at hindi tao ang mga ito. Hindi ganap ang pagsasalarawan ng tauhan.

Hubog Movie

Nang sila ay maulila, ipinangako ni Vanessa (Assunta del Rosario) na hindi ihihiwalay sa kanyang piling ang kapatid na si Nikka (Alessandra de Rossi), isang dalagitang kulang sa pag-iisip. Kahit hindi angkop ang kapaligiran ng squatters area sa pag-hubog kay Nikka, ibig patunayan ni Vanessa sa DSWD na kaya niyang buhayin at gabayan ang kapatid. Dalawa ang mangingibig ni Vanessa, ang taxi driver at police asset na si Oliver (Wendell Ramos), at si Uno (Jay Manalo) na bodyguard ng isang pinuno ng sindikato sa Pier. Sino sa dalawa ang pipiliin ni Vanessa na magbibigay ng pagmamahal hindi lamang sa kanya kundi para rin kay Nikka? Sa kanyang pagpili, isang di-inaasahang trahedya ang naganap.

Napapanahon ang pelikulang Hubog pagkat tinatalakay nito ang buhay sa lipunan ng mga mahihirap. Masinop na sinuri ni Lamangan ang buhay ng mga tauhan sa lipunang kanilang ginagalawan at matagumpay itong naisalin sa pelikula. Ang mga eksena sa squatters area ay likha ng isang mahusay na sinematograpiya at kahanga-hangang production design. Masasabing makasining ang mga sex scenes at makatotohanan ang pagtalakay sa buhay ng mga kriminal. Ngunit ang kahusayan ng Hubog ay ang pagkaganap ng magkapatid na de Rossi at pagkakadirihe ng dalawang ito. Malayo ang mararating ng magkapatid kung makasining at hindi exploitation ang paiiralin sa kanilang pagganap.