 |
|
Showing posts with label via veloso. Show all posts
Showing posts with label via veloso. Show all posts
Animal
Jaco(John Regala) is feared by the people in their own town. Together with his gang. Jaco creates terror and havoc. They pick fights, take drugs, hit on women. Jaco and his cohorts get away with it because Jacos family is rich and influential. Until one day when a woman Jaco molests and leaves for dead recovers and presses charges. To top it all, one of his gangmates sides with the complaint. Are Jacos days of living wildly and dangerously truly over? Will Jacos victims get the justice that they deserve?
Sagad Movie
Sagad sa balatkayo at kamunduhan ang pagkatao ni Paula Monreal (Via Veloso). Taliwas sa kanyang panlabas na kahinhinan ang kanyang pakikipagrelasyon sa hardinero nilang si Noli (Harold Pineda). Nang malubog sa pagkakautang ang Villa Monreal, ang kapatid ni Paula na si Corazon (Sydney Segovia) ang inaasahang makakapagsagip dito sa pamamagitan ng pagpapakasal kay Simon (Jeffrey Gonzales). Ngunit hindi nais ni Corazon na pakasalan si Simon sa dahilang wala siyang pagmamahal dito. Aakuin ni Paula ang responsibilidad ng pagsagip sa Villa Monreal. Bagama't masasaktan si Noli, aakitin ni Paula si Simon upang mabaling sa kanya ang atensiyon nito at siya ang pakasalan. Ngunit hindi dalisay ang layunin ni Paula sa pagtubos ng Villa Monreal. Ang totoo'y nais niyang kamkamin ang yaman ng kaniyang pamilya. Lingid sa kanyang kaalaman, isang pagbabalatkayo rin ang pagmamahal sa kanya ni Simon. Kapwa kasakiman at hindi pagmamahal ang namamayani sa kanilang dalawa. Ngunit sa paghahangad nila ng kagitna, isang salop ang maaaring mawala.
Maraming pagkukulang sa aspetong teknikal ang Sagad, sanga-sanga ang kuwento na pawang walang isang direksiyon. Resulta tuloy ay ang ilang tauhan ay nakakaligtaang bigyan ng buhay hanggang sa kahulihan. Tulad na lamang ng karakter ni Purita (Julia Lopez) bilang kapatid ni Paula sa ama na hindi napanindigan ang halaga ng papel sa kabuuang kuwento. Ngunit hindi naman sagad ang pagiging sabog ng pelikula. Nakuha pa rin nitong manatili sa sentro ng istorya. Nariyan din ang pagsusumikap at sinseridad sa pagganap ng mga pangunahing tauhan na sina Via Veloso at Sydney Segovia. Kung sila man ay pawang nagiging karikatura, pagkukulang na ito ng direktor na talaga namang kulang sa imahinasyon at sagad ang pagbabalewala sa sining ng pelikula. Ang musika ay hindi umaakma sa damdaming nais ipahayag ng pelikula.
Maraming pagkukulang sa aspetong teknikal ang Sagad, sanga-sanga ang kuwento na pawang walang isang direksiyon. Resulta tuloy ay ang ilang tauhan ay nakakaligtaang bigyan ng buhay hanggang sa kahulihan. Tulad na lamang ng karakter ni Purita (Julia Lopez) bilang kapatid ni Paula sa ama na hindi napanindigan ang halaga ng papel sa kabuuang kuwento. Ngunit hindi naman sagad ang pagiging sabog ng pelikula. Nakuha pa rin nitong manatili sa sentro ng istorya. Nariyan din ang pagsusumikap at sinseridad sa pagganap ng mga pangunahing tauhan na sina Via Veloso at Sydney Segovia. Kung sila man ay pawang nagiging karikatura, pagkukulang na ito ng direktor na talaga namang kulang sa imahinasyon at sagad ang pagbabalewala sa sining ng pelikula. Ang musika ay hindi umaakma sa damdaming nais ipahayag ng pelikula.
Lollipop
Si Teresa (Via Veloso) ay isang guro na pinagnanasahan ng kanyang estudyanteng si Angelo (Shanghai). Kahit ikinasal na si Teresa kay Arturo (Mon Confiado), di pa rin tumigil sa pag-asa si Angelo na balang araw ay mapapasakanya si Teresa. Nagkaroon si Angelo ng pagkakataong mapalapit kay Teresa ng maging saksi siya sa pang-aabuso ni Arturo kay Nene (Maye Tongco), ang nakababatang kapatid ni Teresa na may diperensiya sa pag-iisip. Nahatulan at nakulong si Arturo. Lingid sa kanilang kaalaman, hindi lamang si Arturo ang nagsamantala kay Nene kundi maging ang nakatatandang kapatid ni Nonoy (Joel Ortega) na parati nitong kalaro. Palibhasa'y isip bata, nasusuyo si Nene ng mga kalalakihang hayok sa laman sa pamamagitan lamang ng pagbili ng mga ito ng paborito niyang kendi, ang lollipop.
Kung ang pelikula ay pawang kendi, ang Lollipop ang uring di na dapat pang tangkilikin pagkat kulang na kulang ito sa tamis upang maging kaaya-aya. Mali ang pagkakatimpla ng halos lahat ng elemento sa pelikulang ito: nakababagot ang daloy ng kuwento; kakatwang musika at tunog na di tumutugma sa damdaming nais ipahayag ng eksena; malabong kuha ng kamera; nakaririmarim na pagganap ng mga pangunahing tauhang tulad nina Maye Tongco (ang isa sa pinakamasagwang pagkakaganap ng retarded sa kasaysayan ng pelikula) at Shanghai (paano ba naging artista ang isang ito?), at di makatotohanang diyalogo. Kung mayroon mang makapagsalba sana sa pelikula, ito ay ang matapat na pagganap ni Mon Confiado. Ngunit siya'y nag-iisa lamang kumpara sa dami ng kapalpakan mayroon ang pelikula. Kung susumahin, ang lahat naman ay pagkukulang ng direktor na siyang may pananagutan sa pelikula bilang isang sining at hindi isang pampalipas-oras lamang.
Kung ang pelikula ay pawang kendi, ang Lollipop ang uring di na dapat pang tangkilikin pagkat kulang na kulang ito sa tamis upang maging kaaya-aya. Mali ang pagkakatimpla ng halos lahat ng elemento sa pelikulang ito: nakababagot ang daloy ng kuwento; kakatwang musika at tunog na di tumutugma sa damdaming nais ipahayag ng eksena; malabong kuha ng kamera; nakaririmarim na pagganap ng mga pangunahing tauhang tulad nina Maye Tongco (ang isa sa pinakamasagwang pagkakaganap ng retarded sa kasaysayan ng pelikula) at Shanghai (paano ba naging artista ang isang ito?), at di makatotohanang diyalogo. Kung mayroon mang makapagsalba sana sa pelikula, ito ay ang matapat na pagganap ni Mon Confiado. Ngunit siya'y nag-iisa lamang kumpara sa dami ng kapalpakan mayroon ang pelikula. Kung susumahin, ang lahat naman ay pagkukulang ng direktor na siyang may pananagutan sa pelikula bilang isang sining at hindi isang pampalipas-oras lamang.
Subscribe to:
Posts (Atom)