Maui Taylor Movie Lamog

Years ago, Eddie (Ace Castro) left his provincial home and tried to find a better life in Manila. Now, he has just received the news of his mother's death, two months after she actually passed. Distraught, he returns home with his girlfriend in tow, hoping to find some answers. When he gets to his house, he's surprised to find that his first love is now living with his younger brother, and that his stepfather has taken charge of the household. As he stays in the house, old passions begin to reignite, even as he becomes witness to his stepfather's dark secrets.

NOW SHOWING
Hibla - Maui Taylor teams up with Rica Peralejo for this movie. They are supported by Antonio Aquitania and Ricky Davao. Yam Laranas directs while Quark Henares wrote the screenplay.

ON VIDEO
Gamitan - Maui Taylor's launching movie with Wendell Ramos, Jordan Herrerra, and Patricia Javier. This is Quark Henares's directorial debut. He wrote the script of Gamitan with Lyle Sacris in mind as director.

SEX DRIVE

Labis ang sama ng loob ni Sheila (Maui Taylor) nang siya ay iwanan ng kanyang boyfriend na si Troy dahil lamang sa hindi pa siya handang ibigay ang kanyang pagkababae. Natatakot si Sheila sa sakit ng unang pagtatalik na maari niyang maramdaman. Bilang pagdamay, sinamahan ni Mel (dating kasintahan ni Troy) si Sheila upang sundan si Troy na pumuntang Sagada nang may kasamang bagong girlfriend. Sa kanilang pagmamaneho sa highway ay naakit sila sa isang makisig na nagmomotorsiklo (Wendell Ramos) at tinukso nang tinukso ito hanggang bumangga ang minamaneho nitong motor. Nang magkamalay ang lalaki, wala na itong maalala kahit pangalan niya. Pinaglaruan nila ang lalaki, pinapaniwalang "Winston" ang kanyang pangalan at kanyang kasintahan si Sheila. Hindi naglaon, isinuko na rin ni Sheila ang pagkababae kay Winston; samantala, nagkaakitan din si Winston at Mel. Lingid sa kanilang kaalaman, may humahabol kay Winston na kilala lamang sa alyas na "Salagubang" (Antonio Aquitania), isang taong pumapatay nang sinumang mapadikit kay Winston.

Isang tipikal na kuwentong binigyan lamang ng bagong bihis at kakaibang lihis ng pangyayari ang Sex Drive. Bagama't naging pasable na ang ilang teknikal na aspeto tulad ng sinematograpiya, musika at tunog, hindi nito napagtuunan ng pansin ang mismong kuwento na wala namang bagong inihain. Walang lalim ang karakaterisasyon at hindi nabigyang linaw ang motibo ng mga pangunahing tauhan. Mababaw, manipis, at walang kapararakan ang kuwento ng Sex Drive, isang pelikulang ang laman ay wala sa istorya kundi nasa mayayamang dibdib ng mga artista.

ANG HULING BIRHEN SA LUPA

Sapagkat si Cion (Maui Taylor) as isang "kulang-kulang," hindi binibigyang halaga ni Ebong ang mga kuwento nito tungkol sa mga nilalang na siya lamang ang nakakakita, tulad ng isang "babaeng mahaba ang buhok." Isang araw, habang nag-uusap sila sa pampang, natagpuan nila ang walang malay na si Fr. Eman (Jay Manalo). Nang mahimasmasan sa tulong ng Kapitanan (Elizabeth Oropesa) ng Barangay Sto. Rosario, sinabi ni Fr. Eman na siya ay isinugo bilang kura paroko. Sampung taon nang walang kura paroko sa lugar na iyon, kaya't malamig ang pagtanggap ng mga tao kay Fr. Eman. Ngunit napukaw ang barangay nang isang araw ay magpakita rin kay Ebong ang "babaeng mahaba ang buhok" habang ito'y kinakausap ni Cion. Dito nagsimula ang masalimuot na mga pangyayari sa Bgy. Sto. Rosario.

Buo at maayos ang daloy ng istoryang Ang Huling Birhen sa Lupa. Magaling ang pagkakadirihe ni Joel Lamangan sa mga nagsiganap na akmang-akma naman sa kani-kaniyang mga papel, maliban lamang kay Daria Ramirez na labis na bata para sa papel niya bilang ina ni Lorena (Ara Mina). Liban dito, makatotohanan ang pagsasalarawan di lamang ng mga tauhan kundi ng buong istorya na rin. Sapat ang lighting, angkop ang tugtugin at script, at mahusay naman ang sinematograpiya, bagama't hindi gaanong makinis ang editing.

Hibla Movie

Matalik na magkababata sina Isabel (Rica Peralejo) at Clara (Maui Taylor) na kapwa tubong baryo. Ngunit sila ay nagkahiwalay nang ang pamilya ni Clara ay tuluyang lumuwas at nanirahan sa siyudad. Nagpatuloy ang buhay para kay Isabel na nagdalaga sa paghahabi ng tela. Maayos ang kanyang relasyon sa kasintahang si Lando (Antonio Aquintana), liban na lamang sa pagiging sobrang mapusok nito na madalas nilang pag-awayan. Makalipas ang maraming taon, muling nagbalik sa baryo si Clara (dala ang matinding sama ng loob sa kaniyang inang iniwan sila at sumama sa ibang lalaki) at ama nitong si Roman (Ricky Davao). Ikinasayang labis ni Isabel ang pagbabalik ni Clara bagamat marami ng nagbago sa kanilang dalawa. Lingid sa kaalaman ni Clara, ang mga pagbabagong ito at ang pagbabalik ng mag-ama sa baryo ang magiging simula ng pagkakabuhol-buhol ng hibla ng kanilang relasyon.

Mahusay ang pagkakahabi ng Hibla bilang isang sining ng pelikula. Tulad sa paghahabi, naging mabusisi at maingat ang direktor sa bawat eksena. Nakakabighani ang sinematograpiya na nagpatingkad sa bulubundukin ng Tanay. Nakakaenganyo ang tunog at musika na magdadala sa manonood sa tamang antas ng emosyon na nais iparamdam ng palabas. Maayos and daloy ng kwento at hindi ito nalihis sa sentro ng istorya. Liban na lamang sa ilang katanungang naghahanap ng kasagutan. Tulad ng ano ang tunay ng naging buhay ni Clara sa siyudad at paanong nahubog ang kanyang mga baluktot na paniniwala sa pag-ibig at pagnanasa? Naging matapat din ang mga pangunahing tauhan sa kanilang pagganap bagama't hindi hinog ang kanilang mga puntong probinsyano. Sa kabuuan ay maituturing na makasining ang Hibla na maaaring magpaangat sa antas ng panlasa ng manonood sa pelikulang Pilipino.

Gamitan Movie

Kilala sa campus ang pagiging playboy ng basketball star na si Nick (Wendell Ramos), bagama't tinutudyo ito ng barkada na ang kaya lamang niyang "ikama" ay ang mga babaeng tulad niya na "mahihilig." Nagpustahan ang barkada ni Nick na hindi nito mahihimok ang birheng si Cathy (Maui Taylor) upang isuko sa binata ang kanyang virginity. Si Cathy ay isang freshman sa kolehiyo na kilalang matalino na ay matino pa, at hindi katulad ng kanyang ateng playgirl na si Diane (Patricia Javier). Tinanggap ni Nick ang hamon, at pagka't tagahanga ni Nick si Cathy, hindi nahirapan ang binatang paamuin ang dalaga at makuha ang pinagpustahan. Napuno ng galit at paghihiganti ang puso ni Cathy nang siya'y "ibasura" na lamang ni Nick kinabukasan. Sa pamamagitan ng panunukso at pang-uuto kay Louie (Jordan Herrera)—kaibigan at kaklase ni Cathy na matagal nang may pagtingin sa dalaga—ay naisagawa nito ang sukdulang paghihiganti kay Nick.

Tulad ng karamihan sa mga pelikulang "bomba", mukhang pinag-abalahan talaga ang mga eksena sa kama dito, ngunit pinabayaan naman ang iba. Halimbawa, mahahaba at detalyado ang eksenang kama, maingat sa lighting, sounds at cinematography; ngunit mahihilo ka naman sa likot ng kamera at mabibingi ka sa lakas ng bunganga ng mga karakter sa mga eksena sa paaralan. Bagama't pasable na rin ang direksiyon (na lumutang sa pagganap ni Herrera at Ramos sa banding huli), napakarupok naman ng karakterisasyon—nagmukha tuloy isang istorya lamang ito ng apat na tauhang pare-parehong may sira sa ulo, sa halip na isang kasaysayang may pahatid na gintong aral sa kabataan. Sayang, sapagka't kung ibabatay lamang sa reaksiyon ng mga binatang nanood ng pelikula noong unang araw ng paglabas nito, ang nananatili sa isipan ng manonood ay ang mga hubaran lamang; tila walang nakapuna sa mga aral na napapaloob sa kuwento.